Interpretimi i Enderrave

[Emilia]

P.SH.M

Para Se Te Humbja Baben,gjyshaj E Ndjera Me Kerkonte Dicka.keshtu Nje Vite I Ter Ka Kalu Duke Mu Shfaqe Ne Endrra Cdo Te Dyten Nate*me Jep Ate Cka Kerkoi Se Jam Shum E Etur*
Kure Vdiq Baba Nuk E Kam Pa Asnje Here Me Ne Enderr:ne Ket Rast Me Eshte Dashtun Te Mendoi Mire Se Endrra Nuke Eshte Vetem Enderr...A DUHEMI TI VEJM KUJDES SIDOMOS TE NJEJTES ENDERR KURE SHFAQET SHPESH HER?jo ne ket rast po edhe ne rastet tjera.....

[Nosh]

Ç`fare done te thote kur she enderr duke u kallur shtepija e fqiut.... me rrespekt Kristiana

E dashura Kristiana,

Në rendin e parë faleminderit për besimin që tregon ndaj meje, së dytit, është teje pak për të analizuar dhe për të shpjeguar domethënien e “shtëpisë e fqiut që digjet”. Këtë mundeni të gjeni çfarë do librit mbi interpretimin e ëndrrave, dhe fare nuk ka të bëjë me psikanalizën. Këtu nuk dimë se kush është aktor, kush është pasiv, kush është aktiv, me çfarë simboliket ndërlidhet personi që e sheh ëndrrën etj. etj.

Këtë radhë vetëm po e përshkruaj këtë simbolik në përgjithësi, kurse në radhët tjera nuk do të humbi kohë për t’i përshkruar simboliken e fjalës të ëndërruesit!!!!

Nëse shikoni në ëndërr sikur vizitoni shtëpinë tuaj të vjetër, do të thotë se do të gëzoheni nga lajme të mira.
Nëse ëndërroni shtëpinë tuaj të vjetër në gjendje jo të mirë, do të thotë se do të mësoni për sëmundjen apo vdekjen e një të afërmit tuaj.
Për një grua që shikon ketë ëndërr parashikohet hidhërim për shkak të vdekjes se një shokut të vet.
Nëse shikoni sikur shkuat në shtëpi dhe gjete çdo gjë në rregull dhe bukur dhe qetësit, do të thotë harmoni në jetën tuaj familjare dhe sukses në punë.
Nëse shikoni sikur po ndërtoni shtëpi, do të thotë se do të bëni ndryshime te mençura në interesat tuaja të përditshme, si dhe dashuri e lumtur.
Nëse shikoni sikur kishit një shtëpi të bukur do të thotë se shpejt do të lini shtëpinë tuaj për një me të mirë, dhe fati do të jetë me ju.
Shtëpia të vjetra dhe të prishur, do të thotë disfata në punë apo në çdo përpjekje, dhe shëndet që nuk shkon mirë. Po ashtu një mendjelehtësi e jotja të sjell fatkeqësi.
Shtëpia po ashtu është simbol i psikes individuale.
Të posedosh shtëpi, ashtu si dhe ta braktisësh janë sinonim të fitimprurjeve dhe e një mirëqenieje ekonomike të ardhshme.
Përkundrazi, të blesh shtëpi, tregon mërzi dhe humbje të miqve dhe njerëzve të dashur;
Ta shkatërrosh – grindje dhe keqkuptime, veçanërisht me komshinjtë.
Nëse shihet të shembet tregon sëmundje në ardhje;
Nëse shtëpia është në fshat ushqen dashuri të palejueshme;
Sheh ta pastrojnë shtëpinë do të sqarohen çështjet të komplikuara.
E sheh shtëpinë e boshatisur, pa shpresa dhe do të mbetesh i zhgënjyer;
E meremeton shtëpinë do të kesh vizita, po ashtu mund të tregojnë se do ta bësh varrin e kushërit tënd, ndërsa ndërtimi i shtëpisë për një tjetër është shenjë përmirësimi dhe shprese.
Po të shikosh shtëpinë tënde sikur po rrëzohet, ose është gati në të rënë, do të pësosh një fatkeqësi të madhe..
Djegia e shtëpisë tënde ose ndonjë prone tjetër në ëndërr, paralajmëron vdekjen e njërit prej kushërinjve të tu. Aksidente në punë në se ëndrra tregon shtëpinë të pështjellur nga flakët, apo e shet të digjet dhe punët nuk të shkojnë mirë..
Zjarri, flaka ose siç thua ti kallja, shpesh është simbol i Zotit, por është, madje shpesh edhe simbol i dashurisë e i pasionit të ndjenjave. Ndoshta , Freudi (Frojdi) këtë ëndërr do ta kishte interpretuar jo si shprehje të një vlerësimi filozofik, por si një plotësim të dëshirave fëmijërore inçensuale (marrëdhënie seksuale me familjar përkatësisht me afërmit e tu) të ëndërruesit.

Siç jam përgjigjur dje Bellavitës, se shtëpia paraqet personalitetin tonë ashtu siç edhe jemi. Paraqet uni –egon që nuk është asgjë tjetër përveç fasada e shtëpisë, kurse brendia e shtëpisë paraqet qëndrimin ton karshi me botën që na rrethon, varësisht tani si ndërlidhet me orenditë e brendshme të shtëpisë. për vetë faktin se zjarri përmbledh të gjitha kujtimet, gjithësinë e ekzistencës së tij. Me fjalë të tjera del ndërgjegjja e plotë e një mos kënaqësie të zgjuar, duke i lehtësuar nga ndjenja e fajit dhe nga brengat e akumuluara. Nëse zjarri është i shoqëruar nga një sasi tymi, në të ardhmen do të jetë një gëzim i mundshëm. Kurse flaka tregon një mundësi fitimesh të mëdha në të ardhmen tënde, në disa raste, po në një të ardhme, për një dashuri pasioni.

Sidoqoftë simbolika e ëndrrës bëhet e domosdoshme për të kuptuar ëndrrat e quajtura “tipike” dhe ëndrrave “përsëritëse” të individit. Nëse kjo paraqitje e shkurtër arrin të na japë veçse një ide jo të plotë të mënyrës së shprehjes së simbolikës të ëndrrës, ne do ta përgjimi këtë duke tërhequr vëmendjen mbi një zbulim që mbahet si më i rëndësishmi nga ato që ne kemi bërë në këtë fushë. Simbolika e ëndrrës na çon më përtej ëndërres; ajo nuk i përket vetë ëndrrës, por dominon në të njëjtën mënyrë paraqitjen e rrëfimeve të miteve dhe të legjendave në thumbat dhe në folklor. Ajo na lejon të ndjekim lidhjet intime që ëndrra përmban me produktet e saj; megjithatë, duhet të themi që ajo nuk është frutë i punës së ëndrrës, po përbën një veçori – mundësinë e mendimit tonë të pavetëdijshëm, që jep në punën e ëndrrës materialin që përdoret për kondensimin, zhvendosjen dhe dramatizimin.

Qëllimi i psikoterapisë psikanalitike është që të zbulojë proceset e pavetëdijshme acaruese, konfliktuese dhe t’ia ekspozojë ato vetëdijes, sepse kështu ndriçohen ato dhe individi njihet me to, duke i kthjelluar. Këto janë gjëra që më parë ne i kemi shtypur, mohuar, zhvendosur, madje ndonjëherë idealizuar në një magazinim të heshtur. Nganjëherë ëndrrat mund të na tregojnë problemin e brendshëm që edhe vetë pacienti nuk e kupton dot. Pra, ëndrra mund të na tregojë plagët që duhet shëruar në thellësi të shpirtit.
Siç pohon Kellven dhe Holl se çdo analizë e ëndrrave duhet të jetë shumë e individualizuar dhe nuk mund të përgjithësohet. Analiza e ëndrrave tregon se ato janë të ngatërruara, jo inteligjente dhe nganjëherë thjesht e krejt pa kuptim. Sipas psikanalizës ëndrrat përfaqësojnë një kompromis midis egos e superegos. Dhe këto të dyja bëjnë që id-i të shprehet i kamufluar, ashtu si një njeri që bën faj dhe ia fsheh këtë faj logjikës, arsyes së të tjerëve. Në psikanalizë duhet analizuar me kujdes simbolika e ëndrrës.
Për këtë arsye duhet individi që dëshiron të analizohet ëndrra të sjellin sa më shumë detale dhe përshkrimet e hollësishme.Me kaq po e përfundoj duke ju uruar si ty dhe të tjerëve të ëndërroni dhe t’i përshkruani ëndrrën në detaje, po qe se ju vjen turp mundeni t’i përshkruani në adresën time private – gjolaj@hotmail.com, ose noshgjolaj@yahoo.com
Don Noshi

[Nosh]

Përshëndetje Zotëri

Pra një nate kam pare ëndërr sikur ca hajdute me vodhën makinën, ne ëndërr isha shumë i trishtuar,e di se nuk i interpretoni ëndrrat mirëpo a mundeni te paktën te shpjegoni ketë timen, përshëndetje,

I dashuri Bellavita,

Në rëndin e parë të lajmëroj se unë nuk kam thënë se nuk i interpretoj ëndrrat, por kam thënë për t’i analizuar ëndrrat në bazë të psikanalizës duhet të jepen më tepër parametra, hollësira ose detaje, që zakonisht si ti ashtu edhe disa të tjerët i bien shkurt!

Së dytit ti po më njeh, dhe je takua me mua në Prishtinë, sigurish jam takua jo vetëm me ty por me mija e mija të rinj për këtë apo tjetrën arsye këshillimi. Sigurish i ke kujtimet e mira nga unë edhe pse për momentin nuk më kujtohesh me këtë emër. Si po e shoh: emrin i pseudonim e ke të femrës kurse foton një djalit të ri! Edhe kjo flet për mua mjaft, se dukesh vuan nga kompleksi për t’u tregua ai që jeni, ju mungon guximi të dalsh me ata çka je para botës, por rrinin nën hijen e një anonimitetit. Unë do të preferoja mposhte frikën dhe dil nga anonimiteti, pranoje vetvete ashtu siç je në realitet, dhe krijoje Unin tënd (Veten tënde) dhe ta kesh kurrizin tënd dhe mos e lejo hajdutëve ta grabisin edhe ata që e ke!!!

Së treti kërkoj falje po qe se ëndrra nuk është ashtu mirë e zbërthyer, edhe pse ti po insiston të tregoj diçka nga kjo ëndërr; se si po e sheh ti vetë, mungojnë shumë elemente. Të këshilloj: lexoji në fillim të kësaj rubrikës se çfarë elementeve duhet të përshkruhen për ta analizuar mirë një ëndërr.

Automobili paraqet “Uni – egon” tonë, në situatë e ëndrrës në mënyrë të shkëlqyer e paraqet të gjitha aftësitë tona, aftësitë e komunikimit dhe funksionimin e mendimit si dhe raportet ndërpersonale. Me një fjalë na e paraqet biografinë tonë jo vetëm të brendshëm botën psikike dhe pavetëdijen por edhe botën e jashtme në raporte me rrethin përkatësisht mjedisin.
Po ashtu është edhe mjaft i rëndësishëm se si vozitemi me të, se vozitja na tregon apo na paraqet se sa jemi të gatshëm të dhe dimë të përshtatemi mjedisit apo rrethit ku jetojmë.

Të udhëtosh në të sukses, punë të marrin për mbarë; ta shoshësh lajm i rëndësishëm; ta kesh tënden fitore e madhe.
Përndryshe sipas Freudit automobili është simboli i penisit përkatësisht falik-ut ose organit seksual i mashkullit. Në rastin e juaj shprehet më tepër imazhi i frikës së impotencës. Po ashtu duhet të ruhesh nga një herë nga çrregullime financiare ose harxhim kohe, që nuk ju çojnë në asnjë rezultat.

Hajdut- sinonim i futjes, figura e hajdutit është veçanërisht prerogativë i grave që jetojnë marrëdhënie bashkëshortore të pakënaqshme nga ku rrjedh dëshira që një i huaj të futet vjedhurazi për të nxjerrë diçka intime, duke fituar kënaqësi. Shpesh kjo ëndërr mund të paralajmërojë edhe aventura sentimentale. Duhet të jesh i vëmendshëm për gjendjet aksidentale të krijuara si bartëse rreziqesh. Duket se je kohët e fundit mjaftë i ngarkuar nga kureshtjet se çfarë janë femrat dhe psikologjia e tyre. Në mënyrë tinëzare mundohesh si hajduti për të hyrë në boten e tyre intime!
Po ashtu simbolizon hajduti para së gjithash një pakënaqësi të thellë që përcaktohet nga konsiderata e pakët që ka njeri për veten, nga ku rrjedh sensi i zilisë drejt atij që padrejtësisht mbahet më i privilegjuam. Si rezultat kërkon të bëhet zot nëpërmjet gënjeshtrës, me një send simbolik të një gjendjeje të tillë, deri sa ta shkatërrojë.
Te rasti yt që ta kanë vjedh automobilin mund po ashtu të tregon për një njohje të tejskajshme.

Gjithashtu kini kujdes, se shumë lehtë mundesh të dështosh vazhdimisht në gjithçka që do të ndërmarrsh.
Madje do të luftoni me armiq shumë të rrezikshëm nëse nuk tregoheni i shumë i kujdesshëm në marrëdhënie me të panjohurin. Po ashtu mund të tregoj ndonjë fatkeqësi ose humbje.

Si përfundim do t’i këshilloja të gjesh vetën tënde! Beteja më e fortë që duhet të bëni është beteja për të qenë ju. Duhet këtë luftë gjatë gjithë jetës ta luftoni. Edhe të zbuloni se ç’gjë jeni dhe çfarë keni për të ndarë me të tjerët. Kur ta keni zbuluar atë, përkushtojuni që ta zhvilloni, që të mund t’ua dhuroni të gjithë të tjerëve. Fakti më i mrekullueshëm është që “uni” nuk ka asgjë konkrete. Ajo që do të lini është diçka e paprekshme. Dhe kjo është e mrekullueshme. Është një gjë e madhe shpirtërore. Është ajo që jeni. Dhe po ta zhvilloni, do t’ua lini të gjithë atyre me të cilët do të bini në kontakt. Dhe ata do të jenë diçka më shumë.
Përzemërsisht të përshëndes don Noshi

[macki]

flm shum don noshi per enderren do te kem kujides ne anderra tjera qe do ti spjegoji ne detale,mirpo une nuk do te mbyllem ne vetveten edhe sdo te kem frik te largohem nga vetvetja,ok te pershendes kalosh mire marki...

[Milot_Krasniqi]

I nderuar don Nosh te pershendes dhe sikur te gjith kisha edhe une nje pytje.

Çka thuhet nese e shef nje qen te zi ne enderr duke te kafshuar ne krahun e majte, dhe kur me kafshonte me ane te prekjes me duart e mia ne gojen e tij u largojke ?

p.s. raca ka qen rudfaller

[Nosh]

I dashuri Milche,

Të përshëndes dhe të uroj që tash e tutje të ëndërrosh ëndrra të bukura, dhe të mira për t’i realizuar dhe për t’i aktualizuar të ardhmen tënde sa më të bukur dhe më të mirë.
Kuptohet vetvetiu si ti ashtu shumë të tjerët i bien shkurt dhe nuk i përshkruani shumë hollësirat tjera që ndërlidhen me ëndrrën dhe mos preto dhe shikoji në fillim të kësaj rubrikës, se çfarë kërkohet për një analizë të mirë të një ëndrrës.

Qeni në botën e ëndrrave i ka rolet e shumta, ashtu edhe situata e ëndrrës varet nga cili kënd e shikojmë. Mund ta shohim si mikun ton të ngushtë dhe të pa ndashëm dhe besnik, që na shoqëron në rrugën e mirë dhe të keqen, ose prapë na qorton kur jemi kokëfortë dhe të papërmirësueshëm në natyrën tonë të çoroditur ose pa të balancuar. Me lehjen e vetë tërheq vëmendjen, për t’i shikuar ne disa vetit tona që i kemi lërë pas dore dhe për t’i rishikuar pse jemi të prekshëm apo teje të ndjeshëm nga rrethi apo mjedisi.

Me fjalë tjera qeni zakonisht paraqitet si simbol i besnikërisë dhe i kurajës. Ta ëndërrosh, është, pra tregues i dëshirës nga ana e tij që flenë, që t’i ngjajë dhuntive të këtilla. Kurse ti je i sulmuar nga qeni që shfaq një rrezik të afërt, ose mashtrimi dhe vjedhjeje. Akoma, shihen apo parashikohen një madhështi nga ana e miqve ose njerëzve të dashur po qe se qeni është i zi. Po ashtu qeni i zi paraqet një lloj tradhtie nga ana e miqve të tu.
Qeni i egërsuar paralajmëron hasmëri dhe fatkeqësi, kurse kafshimi i qenit tregon se do të keni grindje me shokët apo bashkëpunëtoret tuaj, po ashtu ty të pret një e keqe e përhershme ose do të pësosh dëm. Ose prapë dikush punon për të të dëmtuar.

Kafshimi po ashtu tregon një gjendje të shqetësuar, të shkaktuar nga ndrydhja e gjatë e agresivitetit. Ëndrra në fjalë mund të paralajmërojë një qëndrim për së shpejtit të vrullshëm nga ana e shikuesit kundrejt personave ose gjërave. Të jesh i kafshuar përkundrazi, tregon pamje të lidhur në mënyrë intime me ndjenjën e të qënurit, për më tepër tendencës për t’i nënshtruar një kushti vuajtjeve në veçanti atyre seksuale pa reaguar, sepse me botën intime nuk i ke gjërat e pastruara.
Po ashtu kjo ëndërr mund të sjell si pasojë një dëshirë për të përmbysur të gjitha mënyrat e veprimet që sollën fatkeqësi. Është shumë e mundur të keni humbje për shkak të një armiku.

Ana e djathtë është vetëdija e jonë si dhe është ai drejtim çfarë po ndodh me neve. Për këtë duhet vetëdija jonë të veprojnë në mënyrë të arsyeshme për t’i zgjedhur problemet me të cilat ballafaqohemi. Kurse ana e majtë na e paraqet kaluarën tonë dhe na kthen vëmendjen në gjërat që i kemi lërë pas dore, ose i kemi shtypur ndrydhur ndjenjat veçanti atë rrafshit seksualitetit, si dhe pasiviteti ynë dhe mungesa e ndjenjave mirëfillta.

Si përfundim mund t’iu them se marrëdhëniet intime janë një rrezik, dhe është po aq e vërtetë se të bëjnë të vuash, është e vërtetë se ata që ju afrohen pretendojnë shumë nga ju, pretendojnë shumë ndryshime, është e vërtetë që nxitin ndjenjat tuaja më të thella dhe ndonjëherë nuk të sjellin lumturinë.
Intimiteti nuk mund të jetë objekt i parashikimeve, i qëndrimit në pritje. Nuk mund të bëni parashikimin e ndjenjave në marrëdhëniet me dikë tjetër. Askush nuk mund të jetë ose të bëjë atë që do të dëshironit ju. Gjithçka duhet t’ju vijë si e papritur, si një surprizë, dhe duhet të mendoheni se çdo depresion që ju godet si “qeni i zi” u shkakton nga fakti që dikush nuk u ka korresponduar parashikimeve tuaja. Mendojeni! Sa herë që dëshpëroheni, ndodh ngaqë dikush nuk ju ka telefonuar ose nuk është kujtuar për ditëlindjen tuaj. Po t’ju kujtojnë, bëheni me fletë, hidheni përpjetë, për gjithçka. Por nëse ju harronin, kini durim. E rëndësishme është të jeni spontanë, të paparashikueshëm. Dhe prisni të shihni se ç’do të ndodhë. Qeshni me atë që shqetëson të tjerët. “Ai nuk u kujtua për ditëlindjen time, ai, i dashuri im. Do të blej vetë një dhuratë, dhe do të jetë më mirë, sepse kështu do të kem taman atë që dëshiroj.” Të jesh i lexueshëm është mërzi, po të doni të jeni tërheqës, bëhuni të paparashikueshëm. E vetmja gjë për të cilën mund të më vlerësoni mua, është se jam i paparashikueshëm. Nuk mund të parashikoj kurrë se çfarë mund të bëj ose çfarë do të them. Ndryshoj vazhdimisht, dhe kjo më pëlqen.
Në marrëdhëniet tuaja, tregoni atë që ndjeni. Po të keni dëshirë të qani, ngashërehuni! Kur të keni qejf të qeshni, zgërdhihuni. Bërtisni kur keni dëshirë të ulërini.

Dhe ju lutem, mos prisni për t’i shpërfaqur ndjenjat tuaja. Besoj se një nga faktorët më shkatërrues të marrëdhënieve dhe intimitetit është paaftësia jonë për të shprehur atë që ndjejmë atë çast.
Por niveli më i lartë në të cilin mund të përfshihen është të kesh një marrëdhënie të vërtetë, dhe është kjo për të cilën dua të qortoj, sepse është intimiteti i vërtetë. Niveli në të cilin ne japim dhe marrim pa shfrytëzuar njëri-tjetrin. Nuk dua të shërbehem me ty, dua të të dashuroj. Dua të të ndjej. Dua të përparoj me ty. Dua të vallëzoj me ty. Dua të të përkëdhel. Por kjo kërkon të gjitha energjitë tuaja. Po qe se dua të njoh veten time, nuk do ta arrij kurrë këtë qëllim duke jetuar vetëm. Do ta zbuloj veten nëpërmjet reagimeve tuaja ndaj meje, nga kundërshtimet e ju të gjithëve, dhe po qe se të gjithë janë të pakënaqur prej meje, atëherë ta shoh veten time me shumë vëmendje. Ndoshta do t’ju duhej të shihnin vetveten. Një mënyrë e mrekullueshme për të shikuar vetveten është të vëreni mënyrën se si reagojnë të tjerët ndaj jush.
Shpresoj se ta kam plotësuar kureshtjen tënde sadopak, dhe të dëshiroj edhe më tutje të ëndërrosh ëndrra që të sjellin perspektiv, dashuri dhe lumturi.
Don Noshi

[Milot_Krasniqi]

Shume faleminderit don Nosh e kom lexu me kujdes por sado pak edhe po frigohem sepse mundem te rpes me te keqen nga miku im por do te jem ne qender te vemendjes. Shume faleminderit edhe nje her te pershendes. prap do te shkruaj

[Marisa]

d.Nosh

Mbreme pashe nje enderr me gjarperinj (2 gjarperinj) ama nuk me bene asgje.
Kam lexuar shpejgimin tuaj per endrrat me gjarperinj ama do doja te dija nese ka kuptim gjarpri i bardhe dhe ai bezhe me vija bojekafe sepse keto 2 gjarper me dolen ne enderr.

perzemersisht,MARISA

[Nosh]

E dashura Marisa,

Faleminderit për besimin tënd ndaj meje si dhe guximin që e tregon me një angazhim të pashoq jo vetëm në forumin katolik por edhe në aktivitetet në Zëmrën e Krishtit në Tiranë.

Sa i përket ëndrrës është mjaft domethënëse, ku i mungojnë shumë detaje që ndërlidhë me ty, se nuk e dimë rolin tënd me gjarpërinj, a është aktive apo pasive, po ashtu roli si njërit ashtu i tjetrit gjarpër se çfarë rolit ata luajtën në këtë ëndërr. Megjithatë po e jap mendimin tim që mund të jetën shumë mangët.

Takimi përkatësisht ballafaqimi me gjarprin paraqet të gjitha fshehtësitë e parashikuese dhe të pa parashikuese të seksualitetit tënd që ndërlidhen me fuqitë psikike dhe shpirtërore, të cilat ngadalë shpërthejnë dhe dalin në sipërfaqe. Sa i përket madhësish dhe ngjyrës së gjarprit mund të përfundojmë se çfarë energjie posedojmë dhe është e akumuluar në brendinë juaj, e cila mund t’iu çoj kah shkatërrim personal.
Gjarpri në botën e ëndrrave na jep një porosi të thellë. Se diçka po ndodh me intuitën dhe fuqitë e brendshme të tua, që ju grithin nga bota e brendshme.
Me fuqinë e juaj të intuitës dhe aftësitë e tjera që i kini shpirtërore dhe mentale diçka po ndodh me juve, dhe as qysh nuk mund ta gjeni një baraspeshim në mes idealit dhe veprimeve të juaja me rrethin ku veproni. Dhe duket se shumë shpejt vendosni dhe pasojat janë të pakëndshme veçanti me njerëzit të cilën nuk të simpatizojnë. Ashtu karshi sulmeve të mjedisit nuk jeni mjaft e mbrojtur! Mjaft mendoni se çfarë është e drejt dhe çfarë nuk është. Ëndrra flet për thellësinë e juaj të brendshme dhe mungesa e çlirimit edhe nga bota e intime seksuale, që jenë në dy binare, atë simboliken e bardhës një dashuria e idealizuar kurse tjetra e tokës apo e rrethi që është profane. Në mënyrë instiktive mbroheni dhe nganjëherë bëheni posesive. Edhe pse dukeni në shikimin e parë vajzë e heshtur jeni mjaft energjike. Dhe ngjarjet e rrethit ju godasin në thelbin shpirtit, përkatësisht nga vijnë ato ndjenjat e tua të rëndësishme përkatësisht emocionet, mendimet, dashuria dhe kuptimi. Ashtu jeni mjaft e ngarkuar bile më tepër se duhet dhe ju godet në zemër disa reagime apo moskuptime e shoqërisë suaj.

Të gjithë nuk shohin aq larg sa sheh ti, por mos e harro, se ti nuk jeton vetëm, por jeton me tjerë dhe pran tjerëve, ashtu ti ke nevojë për tjerët si ashtu edhe të tjerët kanë nevojë për ty, në këtë mënyrë krijohen raportet ndër personale, ashtu është mirë që njerëzit e rrethit t’i njoftoni edhe me dëshirat, synimet,qëllimet dhe me kërkesat e tua.
Pavetëdija e juaj është mjaft e lodhur mos të themi e mërzitur dhe kërkon një pushim si dhe një ndërrim pune, sepse shpirti ikë nga rutina e jetës së përditshme që janë në dëmin e juaj. Vetë habiteni se diçka po ndodh me juve por nuk dini si t’ia arrini baraspeshën mes dy skajeve.
Në rendin e parë mundohuni ta kuptoni jetën se nuk është vetëm çështja e arsyes së mendjes por dëgjoni edhe intuitën dhe botën e brendshëm posaçërisht zërin e ndërgjegjes ose të zemrës. Çelësin e fshehur të jetës e mbani në pavetëdijen e juaj, dhe ajo është në shëndetin e mirë që do t’iu sjell fatlumturi.

Është poshtëruese të jesh fëmijë. Të jesh kaq i vogël sa të të ngrenë dhe të të zhvendosin sipas tekave të të tjerëve. Të të japin të hash apo të të lënë pa ngrënë. Të të pastrojnë apo të të lënë pis. Të mëren me ty duke të bërë të lumtur apo të të lënë të qash. Sigurisht, është, është një poshtërim kaq i madh për ne që sapo kishim nisur ta preknim botën; dhe nuk të çudit aspak që mjaft prej nesh nuk e marrin dot veten nga kjo përvojë. Sepse, pa dyshim, një nga frikët më të thella është ajo që vjen ngase mund të të trajtojnë si send dhe jo si njeri. Të lëvizur e të shtyrë, herë atje, herë këtu, nga forca të verbëta, të trajtuar sikur të mos vlenim fare, nga ata që janë të fortë, që janë superiorë. Secili prej nesh mund të jetë një atom i vogël në këtë univers të pamasë, por kemi nevojë ta dimë se të paktën llogaritkemi, që individualiteti ynë tërheq vëmendjen. Duke na lënë plotësisht në harresë si njerëz, kjo është një lloj vdekjeje për së gjalli, kundër së cilës jemi të detyruar të luftojmë me të gjitha forcat tona.

Duhet t’u themi se ke mundësi të zgjedhësh ndërmjet dashurisë dhe dështimit. Sepse po e le të ikë dashuria, do të thotë se ke lënë të ikë vetë jeta. Thorton Wilder thotë: “Ka një tokë të të gjallëve dhe një tokë të të vdekurve, ura lidhëse është dashuria. Ajo është e vetmja mbijetesë e vetmja domethënie.”

Ju dëshiroj që të vazhdoni të ëndërroni ëndrra të mira për të patur se çka të realizoni në jetën që u pret.

Don Noshi i juaj.

['''dada...]

I nderuari don Nosh

Mbreme pash nje enderr qe per mua ishte shume interesante dhe akoma e tille me duket.Une dhe motra ime ishim ne shtepine tone ne te cilen me nuk jetojme,dhe perjashta kishte bore te madhe dhe nje ere e fuqishme frynte jashte sa qe e qante boren dhe krijonte shpelle,me nje shpejtesi te paparashikueshme dhe vetem drejt shkonte,kur u afrua te shpija jone u kthye dhe i theu te gjitha dritaret e shtepise e ne mbetem te habitura dhe shiqonim per te ikur,kurse une shiqoja ne toke dhe pashe qe copat e xhamit ishin shume te imta e smund te na demtonin,dhe mendoja si do ti vendosi xhamat e rinje,sepse te gjitha i shkaterroj ajo stuhi....me respekt te madh '''DADA...

[Nosh]

E dashura Dade,

Në rendin e parë kërkoj falje, se nuk jam përgjigjur në ëndrrën tënde, siç të pata shkruar privatisht se isha në Amerikë, dhe isha mjaft i zënë. Së dyti faleminderit për besim.

Ëndrra është mjaft interesante dhe domethënëse. Ja disa interpretimeve nga kjo ëndrra jote:

Shtëpia e dikurshme: ndërlidhet drejtpërsëdrejti me trupin tënd, me fëmijërinë tende të dikurshme, përkatësisht me moshën tënde më të hershëm dhe bindjet e tua morale dhe etike, që paraqet tani në vendin e ri një lloj shqetësimit mos të themi huti -konfuzion. Përndryshe “shtëpia” në ëndërr e paraqet vetë ëndërruesin, si dhe ndërlidhet me orenditë e shtëpisë. Shtëpia me disa kate paraqet shkallët e vetëdijës, trupin dhe pavetëdijen e juaj. Në ëndrrën e juaj paraqet brengat dhe shqetësimet si dhe dëshirën e juaj për një qetësi dhe siguri. me fjalë tjera simbol i psikes individuale, do të kuptoni më mirë dëshirat e tua dhe frikët që ju mbërthejnë në këtë moment.

Motra, jep ndjenjat përkatësie, që dëshironi të bëheni pjesë e një shoqërie. Po ashtu është edhe një porosi që ju dëshironi të zgjedhin një problem nga e kuluarja e juaj. Ndoshta mundoheni për t’i përmirësuar raportet përkatësisht zgjedhja e disa problemeve nga fëmijëria. Ashtu ëndrra t’i zbulon ndjenjat dhe mendimet që kërkon të përfitoni ju sa më shumë. Po ashtu e ka kuptimin e mbrojtjes dhe të plotësimit seksual si dhe një parashikim të një lumturie me afat të shkurtër ose bashkim i gëzueshëm.

Bora: simboli i ndjenjave të ngurta ose të ftohta, si dhe një fillim i ri, papërsëritur si dhe vërshimi i ndjenjave.
Çdo gjëje njëherë i vjen fundi, dhe bora që e shihni nga dritarja ju paraqet se jeni një person i veçantë, njëhershëm dhe i papërsëritur, unik mos të themi pak i çuditshëm! Po ashtu ju e shprehni dëshirën për të gjetur pafajësinë, ose edhe të rijetosh momentet e gëzuara të fëmijërisë, të vendosura në skajet më të fshehta të mendjes dhe të sjelljes në dritë nga ngjarjet të tanishme, që ju kanë ndryshuar gjendja e jetës përkatësisht menduarit si dhe të sjelljes, për këtë po ju shoqëron një farë mërzitje.

Era e fuqishme – Stuhia: simbolizmi i brendshëm dhe i jashtëm i një konfliktit. Ndjenjat përkatësisht shpërthimi i furishëm emocional. Në këtë rast ëndrra fletë, se gjërat duhet t’i shikoni rishtas dhe atë në mënyrë më objektive. Nga ana tjetër me juve fillon një fazë e re të zhvillimit juaj personal, që do t’ju sjellin një humbje apo fatkeqësi.
Shpeshherë njerëzit ëndërrojnë stuhinë përpara se dëshirojnë kthjelltësi, qartësi për gjëra që nuk i kanë të qarta dhe janë të preokupuar me to. Madje simbolizon shpërthimet e ndjenjave që në rastin e juaj janë mjaftë të furishme si dhe reagimi yt është shumë i ashpër, për këtë do t’ju shkaktojnë huti, konfuzion, pasiguri si dhe frikë që nuk mund ta kontrolloni. Sepse jeni të shoqëruar nga një ndjenjë dominuese impotence. E vetmja mundësi për të “shpëtuar” nga ky vrull i natyrës është ajo e të fshehurit. E gjitha interpretohet si dorëzimi përballë njerëzve që mbahen më të fortë dhe situatave, që falë dobësisë së juaj, mos mendoni se nuk mundeni t’i përballoni. Por shpërthimet e tilla emocionale kalojnë shpejtë dhe mos u dorëzo sepse gjithçka do të mbarojnë mirë!

Dritaret e thyera: Një fjalë e urtë thotë: “Çdo herë që Zoti e mbyllë drene në njërën anë e hapë dritaren në anën tjetër.” Po qe se dëshironi ta keni një pamje mbi gjërat që po ndodhin me juve duhet tani t’i filloni të shikoni në një pamje tjetër. Sepse ëndrra ju lajmëron të hidhet dritë në një gjendje ose në një marrëdhënie dashurie, por në të njëjtën kohë ke frikë që të marrësh rezultatet të kundërta. Dyshimet pa bazë ju drejtohet juve, për sa i përket lidhjeve me një njeri të dashur.
Xhami i thyer i dritareve, ju paralajmëron se biznesi juaj do të ketë fund negativ.

Pra, ju jeni duke kaluar një periudhë në të cilën duhet të filloni të kujdeseni për vetveten. Ne kujtojmë se veprimtaria jonë mendore e fizike e vazhdueshme është thelbësore. Bile jeta e përditshme vetëm na streson. Nuk gjejmë kohë për veten tonë që të na mësojë të qetësohemi dhe të na bëjë të lumtur. Njeriu, i krijuar për të qenë miku i të gjitha krijesave të kësaj bote, nuk di të bëhet mik as me veten e tij.
Ne vazhdojmë të vrapojmë dhe të analizojmë thuajse çdo gjë. Për çdo gjë mendojmë e mendojmë. Shkojmë në shtrat me kokën të rënduar plot me mendime dhe nuk dimë si t’i shkarkojmë ato, dhe prandaj nuk na zë as gjumi, apo kemi ëndrrat frike, makthit. Duhet të mësoni të lehtësoni mendjen tuaj, nuk mund të rrini duke u preokupuar për problemet tuaja për 24 orë rresht se përndryshe do t’ju bëjnë të çmendeni. Herë pas here duhet t’i harroni hallet e shqetësimet. Dhe kur e bëni këtë gjë, ndodh diçka e mrekullueshme. Në vend të “hiçit” do të gjeni “gjithçka“ – madje krejt të pastruar , dhe është e juaja pa qenë nevoja që të sforcoheni. Është një ndjesi që s’e shoqen në botë.
Po mësojmë ta lëmi të lirë mendjen tonë pa u trembur se mos e humbim atë. Atëherë ju duhet të qëndrosh vetëm në shoqërinë e vetes tënde. Çlirojeni mendjen tuaj dhe filloni të shikoni dhe të ndjeni! Filloni ta jetoni jetën dhe mos u turpëroni! Prekni, shtrëngoni, përtypni sikur të mos i kishit bërë këto gjëra kurrë më parë. Vazhdoni të rriteni! Rrituni vazhdimisht sipas rastit e mundësive. Në çdo moment që ta bëni këtë, ju ndryshoni. Lëreni mendjen të lirë, hapni zemrën, hapni krahët, pranoni gjithçka. Mundeni të merrni, e të merrni pambarim, sepse ajo që ekziston është e pafundshme. Sa më shumë ta soditni një pemë, aq më shumë gjëra dalin për t’u parë. Dëgjoni një Sonatë të Beethovenit dhe do të ndjeni pafundësinë. Merrni një libër poezie, dhe ai ju çon te bukuria. Dashuroni një njeri, dhe kjo dashuri ju përçon dashurinë e qindra personave. Vazhdoni të rriteni.
Kërkoni alternativa të tjera. Se thelbi i “unit tuaj” është i pafundshmë.

Me kaq po e përfundoj duke dëshiruar që të ëndërroni ëndrra që do t’iu sjellin dashuri dhe lumturi.
Don Nosh Gjolaj